ఆమె పాట:

వేటూరి వారి  పదమై,

తేట తెలుగు కందమై,

తుంబుర నాదమై,

నటరాజ పాదమై, 

                  తియ్యని మకరందమై,                  

మలయ మారుత గంధమై, 

వీనులకు మోదమై,

యువతకు ప్రేమబంధమై,

సభికుల  ఆమోదమై,

అభిమానులకు ఆనందమైన నీ పాట, 

ప్రతి పూట, వినిపించును ప్రతి నోట  

 తీర్చును అలసట

హోటలు

మొదలెట్టాను నేనొక హోటలు

అందు తిన్న విన్న వాళ్లకి కరువు మాటలు

ఇందు విందుకు అవసరం లేదు మూటలు

అన్ని పదార్ధాల మీద వుంటై మూతలు

మీ మేను జలదరించు క్షమించు, పులకరించు మెనూ విను

ఇదిగిదిగో, అల్లదిగో ఆ తెల్లగా వున్నది నా మనసు కాదు, వెన్న పూసిన deadly ఇడ్లీ

ఇదిగిదిగో ఇలా నున్నగ ముడుచుకనున్నది నేననుకున్నవా..? ఆశే.. కాదు అది దోసె

ఆ ప్రక్క చిప్పన ముక్కలై దిక్కులు చూస్తున్నది అప్పడం

ఆ గడప ప్రక్క బిక్క మొహంతో మిదిగుడ్లేసుకొని నీ దవడ కోసం చూసేది వడ

నీ బుడిబుడి అడుగులు చూసా, వచ్చిన వారి కడుపున గడబిడ చూసా

వచ్చిన వారు చూసి మేసి పక్కవాళ్ళని కేకేసి 

వాళ్ళు గోడ దూకేసి జుట్టు పీకేసి గంతేసి చిందేసి 

ఇప్పుడు ఆ ఫైవ్ స్టార్ హోటల్ వాడికి నిన్ను కట్ట బెట్టాలంటే 

నా కంట వెంట వెంటనే వచ్చే కన్నీరు 

కావాలా , జస్ట్ పది పైసలే తేనీరు